LAOAG CITY – Tallo a pulis dagiti natay kalpasan a napaltupaltugan idiay Kentucky, USA kabayatan ti panangiserbi da ti warrant of arrest iti maysa nga akusado iti domestic violence.
Segun ken ni Floyd County Sheriff John Hunt, dagus a rinnupak ti sinango dagiti pulis apaman a nakadanon da iti lugar.
Inbatad na a malaksid kadagiti natay ket adda ti uppat a sabsabali pay dgaiti nasugatan.
Nabigbig dagiti pimmusay nga isuda Capt Ralph Frasure, Deputy William Petry ken dog handler Jacob Chaffins.
Karaman ti K9 Drago nga iggem ni Mr Chaffins a pimmusay.
Kuna na nga apaman a nangrugi ti operasyon ket limmaban ti akusado nu sadino a nagpappaputok ti rifle.
Nagpaot ti agarup tallo nga oras ti panagsisinnukat ti putok ti paltog babaen ii akusado a ni Lance Storz kalpasan a naiipakustodyar kadagiti otoridad.
Mainaig iti daytoy, kuna ni Hunt a simmuko laeng t akusado kalpasan ti negosasyon iti pamilia na.
Rumrumuar a ti akusado ket sumangsango iti two counts ti murder iti maysa a police officer, lima a counts ti attempted murder iti police officer, attempted murder ken first-degree assault iti service animal.
