LAOAG CITY – Balligi ti naiyuswat a drug buy-bust operation iti Barangay Buyon iti ili ti Bacarra babaen Provincial Drug Enforcement Unit ken Philippine National Police.
Nabigbig ti subject ti operasyon a ni Mark Daniel Medrano, agtawen ti 22, naasawaan ken residente iti nasao a barangay.
Segun iti Provincial Drug Enforcement Unit, maipagarop a gimmatang ti police poseur buyer ti maysa a sachet ti maatap a shabu ken ni Medrano no sadinno nga idi naginnawat dagitoy ket ginammatanen dagiti otoridad daytoy.
Iti panangkapkap dagiti otoridad kenni Medrano ket adda pay ti naala da a tallo a sachet ti maipagarop met laeng a shabu a naipan iti kaha ti sigarilyo, sangaribo a pisos kas buybust money, ken ti 145 pesos a personal a kwarta na.
Mainaig iti daytoy, inbatad ti Provincial Drug Enforcement Unit a ni Medrano ket maibilang a Street Level Individual iti drug watchlist ti Philippine National Police.
Kabayatanna, naglikudan ni Medrano nga aglaklako ti iligal a droga ken inakusaran na dagiti otoridad a bayat a magmagna daytoy ket adda ti nangsaed kenkuana, pinagpakleb da daytoy ken maipagarop nga adda ti inpabulsa da kenkuana.
Bayat ti pannakinnuman ti Bombo Radyo kenni Medrano ket inadmitir na nga adda ti rinames na a kabagyan na nga isu ti patyen na nga isu ti rason ti pannakatiliw na.
Iti agdama, ni Medrano ket nagtalinaed iti kustudiyar ti Philippine National Police iti ili ti Bacarra ken manamnama a mapilaan ti kaso a panaglabsing iti Republic Act 9165 wenno Comprehensive Dangerous Drugs Act of 2022.
