LAOAG CITY – Maisagsaganan ti maipila a reklamo kontra kadagiti tallo a babbaket kalpasan a natiliw da babaen ti anti-illegal gambling operation ti PNP San Nicolas iti Brgy. 9 iti nasao nga ili.
Daytoy ti kinumpirmaran ni Police Major Joseph Baltazar, hepe ti PNP San Nicolas.
Naluksaw ni Baltazar gapu ta nakalockdown iti nakaiwayatan ti panagsusugal dagiti babbaket imbes a pakaseknan kuma iti pamilya da ti ububraen da.
Kuna na tiong-its ti inay-ayam dagiti babbaket ket agpapada a senior citizen da.
Inbunannag ni Baltazar a nabayagen nga imonmonitor da dagiti maseknan.
Nakumpiskar dagiti otoridad ti maysa a set to baraha, dagiti pusta da, lamisaan ken tugtugaw nga inusar dagiti maseknan.
Nagtalinaed dagiti babbaket iti kustudyar ti PNP San Nicolas.
