LAOAG CITY – Natiliw dagiti tallo a tattoo artists iti naiyuswat a drug buy-bust operation iti Barangay 10 ditoy ciudad ti Laoag.
Nabigbig dagiti subject ti operasyon nga isuda Mark Benedict Torres y Santiago, agtawen ti 32, taga Barangay Raraburan ditoy ciudad ti Laoag; Paula Margarette Mae Manuel, addaan ti umno a tawen, residente iti Barangay 6 ditoy ciudad ken ni Jonathan Besa y Cortez, agtawen ti 30, naasawaan ken residente iti Brgy. 15 iti ili ti San nicolas.
Naiyuswat a mismo ti operasyon iti tattoo shop a kukua ti maysa kadagiti suspek a ni Torres.
Nakakumpiskar dagiti otoridad ti maysa a dakkel a sachet ken tallo a bassit a sachet a naglaon ti napagango a bulong ti marijuana ken ti sangaribo a pisos a nausar iti operasyon.
