LAOAG CITY – Tallo a seaman nga Indian ti kumpirmado a natay kalpasan a nangiyuswat ti airstrike ti militar ti Estados Unidos iti Gulf of Oman.
Pinuntirya ti nasao a panagatake ti oil tanker nga MT Settebello nga addaan ti bandera ti Palau.
Basar iti US military, naraot ti barko gapu iti pannakapaay na a nangsurot kadagiti direktiba ti American forces, gapu ta maatap a daytoy ket nagkarga ti oil manipod iti Iran.
Adda ti pakabuklan nga 24 a tripulante nga Indian ti nakalugan iti oil tanker idi napasamak ti insidente, no sadinno a nalatged met a naisalakan ti 21 kadakuada.
Ibilang met ni Indian Shipping Minister Sarbananda Sonowal ti trahedya kas “deeply unfortunate.”
Inpasingked na nga iti agdama ket iyur-urnus da ti repatriation wenno pannakaiyawid ti bangkat dagiti natay nga Indian nationals.
Gapu iti insidente, opisyal a pinaawagan ti gobierno ti India ti deputy head ti US mission iti Delhi tapno agpila ti protesta.
