LAOAG CITY – Maisagsaganan ti kaso a maipila kontra kadagiti nangtulad ti perma ni Barangay Chairman Sammy Aquino iti Barangay 24 ditoy ciudad ti Laoag.
Nabigbig dagitoy a da Jolina Asuncion Natividad, agtawen iti 50, Fe manuel Nicolas, agtawen iti 53 ken ni Matda Madelyn Asuncion, agtawen iti 48, agpapada dagitoy a residente ti nasao a barangay.
Segun ti imbestigasyon, naimatangan a mismo ni Barangay Kagawad Richard Mateo ti inaramid dagiti maseknan.
Naamoan a naaramid dagiti maseknan ti nangtulad ti perma ti kapitan tapno makautang da.
