LAOAG CITY – Naimaldit ti 27 a baro a kaso, 40 dagiti nalaingan ken tallo dagiti pimmusay gapu ti COVID-19 ditoy probinsya.
Kinumpirmaran ti gobyerno probinsyal dagiti pimmusay a da IN-C2056 residente iti Brgy. 21 ditoy siudad ti Laoag, IN-C2237 a residente iti Brgy. Pipias iti ili ti Bacarra kenni IN-C2369, agtawen ti 58, parlor owner, ti kaudian a kaso ti kaudian a kaso (Mayo 18, 2021) iti Brgy. Banban iti ili ti Bangui rason nga agdagup iti 29 ti bilang dagiti natay gapu iti nasao a virus.
Umaboten iti 1998 dagiti nalaingan kalpasan a nagimbag dagiti 40 a pasyente.
Manipud kadagiti baro a kaso, 11 iti ili ti Bacarra, lima iti ili ti Bangui, agpada a tallo iti siudad ti Batac ken ditoy siudad ti Laoag, sagdudua iti ili ti Solsona ken San Nicolas, ken saggaysa iti Adams ken Badoc.
Umaboten ti 342 ti bilang dagiti active cases no sadinno a nagtalinaed a kaaduan ditoy siudad ti Laoag nga addaan iti 166 active cases, 77 iti ili ti Bacarra, 22 iti siudad ti Batac, 16 iti ili ti San Nicolas, 10 iti ili ti Dingras.
Umaboten iti 2369 ti kaso ti COVID-19 ditoy probinsya.
