LAOAG CITY – Pimmusay ti tallo a pasyente ti COVID-19 idinto a 85 dagiti nagpositibo iti nasao a virus ditoy probinsya.
Naladingit ti gobyerno probinsyal a nangipakaammo iti ipupusay da IN-C5118, baket, agtawen ti 62, ti kaudian a naimaldit, residente iti Brgy. San Agustin, iti ili ti San Nicolas; IN-C4600, lalaki, agtawen ti 50, residente iti Brgy. 23 Sta. Cecilia, iti nasao nga ili, kenni IN-C4875, lakay, agtawen ti 64 ken residente iti Brgy. San Isidro, iti ili ti Dumalneg.
Manipud kadagiti 85 a nagpositibo, 38 ti baro a kaso ditoy siudad ti Laoag, 16 iti ili ti Dingras, agpada a 10 ti baro a kaso iti Bangui ken iti siudad ti Batac, siyam iti San Nicolas, ken dua iti ili ti Solsona.
Gapu iti daytoy, umaboten ti 5118 ti kaso ti COVID-19 nga addaan iti 1290 nga aktibo a kaso, 3734 ti recoveries kalpasan a nagimbag ti 44 a pasyente ken 94 dagiti pimmusay.
Agdgup iti 528 ti aktibo kaso ditoy siudad ti Laoag, 132 iti siudad ti Batac, 79 iti ili ti Bangui, 69 iti ili ti San Nicolas ken 63 iti ili ti Dingras
