LAOAG CITY – Addan ti tallo a nairekord a biktima ti sakit a kamuras iti Mariano Marcos Memorial Hospital and Medical Center idiay ciudad ti Batac.
Daytoy ti kinumpirmaran ni Doctora Rocamia Fermin iti nasao nga ospital.
Nupay kasta, saan pay a nakaipaay ti naan-anay a detalye ni Fermin no mano ti tawtawen dagiti biktima ken no taga ano da.
Gapu ti daytoy, inbalakad ni Doctora Fermin kadagiti nagannak a a mapan da pabakunaan dagiti annak da para iti kamuras.
Innayon a saan koma nga agbuteng dagiti nagannak gapu ta ti bakuna a para kamuras ket nabayagen a maus-usar ken napaneknekanen a natalged ken nabisa daytoy.
