LAOAG CITY – Natiliw dagiti tallo a lallaki kalpasan ti panagsusugal da ti tong it iti paset ti Brgy 27 iti ciudad ti Batac.
Nabigbig dagitoy a da Wilfredo Ivencio Jr., agtawen ti 28, awanan ti asawa; Jestoni Baobao, agtawen ti 23, salesboy ken residente iti nasao a barangay ken ni Jonathan Beltran, agtawen ti 31, naasawaan ken residente iti Brgy. Quiling Norte iti nasao a ciudad.
Naamoan nga apaman ti panagresponde ti PNP-Batac ket naaktwan da nga agsusugal dagiti nasao a lallaki.
Nakumpiskar kadagiti suspek ti maysa a set ti baraha ken ti 375 a pisos.
Iti agdama ket nagtalinaed iti kustudiyar ti PNP-Batac dagiti suspek ken ita nga aldaw ket manamnama a maipilaan da ti kaso.
