LAOAG CITY – Tallo a mangngalap dagiti natiliwan dagiti kameng ti Philippine National Police (PNP) nga agisaysayangkat iti illegal a panagkalap iti baybay a sakop iti Pasuquin, Ilocos Norte.
Daytoy ti kinumpirmaran ni Police Chief Inspector Joseph Baltazar, ti chief of police iti ili a Pasuquin.
Binigbig ni Baltazar dagiti nasao a mangngalap a da Lorenzo Ragunjan Jr., Sherwin Salaan Ragunjan ken ni Arnold Galzote, agpapada dagitoy a residente iti Barangay Caroan iti nasao nga ili.
Inbatad ni Baltazar a da laeng Lorenzo ken Sherwin ti natiliw da gapu ta nakataray ni Arnold.
Nupay kasta, kuna na a karaman latta a mapilaan ti kaso ni Arnold gapu ta nabigbig da met daytoy.
Segun ken ni Baltazar, nakumpiskar da manipod kadagiti suspek ti agarop 4 a kilos nga ikan a munamon ken dagitoy ket maipagarop a nadinamita.
