LAOAG CITY – Kinagat ti taraken da nga aso ti maysa a pamilya iti Bgy. Cataban ditoy ciudad ti laoag.
Nabigbig dagiti biktima a dagiti agasawa a Cayatana Baided agtawen iti 46 ken ni Mauro Baided Jr. agtawen met ti 43 ken ti anak da a balasitang nga agtawen iti 11.
Segun ken ni Cayatana, nakalusot ti aso da a labrador a naggapu idiay Laguna idi Sept. 26 iti bigat na ket binirok na daytoy gapu ta pakanen na ket bayat a pakpakanen na, kinagat na ti tangan ti makinkattigid nga ima na.
Kuna na nga iti kamalman ti nasao met la a petsa, bayat nga ilin-ilinong ti asawa na ti aso gapu ta agtudo ket kinagat na met ti tammudo ti makinkannawan nga ima na.
Ken idi iserrek na koman iti kulungan na ket limmagto kageddan iti panangkagat na iti makinkattigid a saka ti balasang da nga agtugtuggaw iti saan unay a panagdaywen iti ayan ti kulungan.
Kuna ni Cayatana a kabigatan ti nasao a pasamak ket insigida a nagturong iti city health office tapno matudukan da ti kontra rabbies.
Ditoy a nabalakadan ti pamilya nga obserbaren da ti aso ket no kas bilang ta matay ket isina da ti ulo na ken isubmitir da iti opisina ti Provincial Veterinary ket natay ngarud daytoy idi Sept. 29.
