LAOAG CITY – Nagtalinaed iti kustodyar ti PNP dagiti naisuko a tallo a maipagarop a nagtuba iti karayan a nakaulawan dagiti lames kangrunaan na dagiti lagdao idiay Barangay Estancia, Piddig, Ilocos Norte.
Kinumpirmaran ni Barangay chief tanud Noel Domingo iti nasao a barangay nga anak na ti maysa kadagiti saanen a nainagana a nagtuba ti karayan.
Inlawlawag na a nabartek ti anak na ken dagiti dua a papagayam na ket nagtripan da ti napan nangipan ti insecticide iti karayan a nakaulawan dagiti lames kangrunaan na dagiti lagdao.
Gapu ti daytoy, napan insuko ni Domingo ti anak na ken dua a pagayam na iti kwerpo ti pulisya para naan-anay a pannaka-imbestigar ti inaramid da.
