LAOAG CITY – Temporaryo a nawayawayaan dagiti tallo nga agpapagayam kalpasan a nakapagpiyansa da ken kalpasan a naipila ti kaso kontra kadkuada gapu iti maipagarup a panangkarit da kadagiti dua a pulis ti Bacarra.
Nabigbig dagitoy a da Joshua Ginsberg Marc Baxa y Ramit, agtawen ti 19, Neil Aldrin Afaga y Mendoza, agtawen ti 20 ken Judel Buduan y Eda, agtawen ti 19, agpapada nga awanan ti asawa ken residente iti Brgy. 32 Corocor ti nasao nga ili.
Segun iti PNP-Bacarra, nawayawayaan dagitoy kalpasan a nakapagpiyansa da iti sag -18 a ribo a pisos.
Immuna ngem iti daytoy, naipila ti kaso a “direct assualt kontra kadagiti maseknan gapu iti maipagarup a panangkarit da kada PO3 Francisco Galo ken PO1 John Elton Baldugo bayat iti panangipatungpal da iti Oplan Sita kalpasan a nagrarana da iti maysa a “convenince store” babaen iti panangibaga da nga ikkaten da dagiti armas da ta agkakabil da.
