LAOAG CITY – Kinumpirmaran ti Civil Aviation Authority of the Philippines (CAAP) a nakarwaren iti pagilyan dagiti tallo kadagiti sangapulo nga air assets a konektado kenni resigned Ako Bicol Rep. Zaldy Co.
Segun kenni Civil Aviation Authority of the Philippines Director General Raul Del Rosario, ummuna a rimuar iti pagilyan ti maysa nga helicopter idi Agosto 20.
Malaksid iti daytoy, uray ti Gulfstream 350 ket rimuar idi Agosto 16 ken maysa pay nga helicopter idi Setyembre 11.
Basar iti rekord ti CAAP, nagturong idiay Singapore ti Gulfstream jet, idinto nga iti Kota Kinabalu, Malaysia ti nagturongan dagiti pay nga helicopter.
Kabayatanna, awan met pay ti komento ti kampo ni Co wenno iti pamilya na mainaig iti daytoy a banag.
