LAOAG CITY – Inbatad ni Mr. Ismael Ali, ti presidente ti Ilocos Norte United Muslim Associations (INUMA) ditoy ciudad ti Laoag a tallo nga aldaw ti panagselebrar da iti Eidl Fitr.
Segun kenni Ali, ado dagiti wagas a panangselebrar da kas iti panagtitipon da kas itakder da ti Eidl Fitr no sadinno adda ti naiyuswat a seremonya itay bigat.
Kunana a kalpasan ti panagkararag da ket nagawid da iti pagtaengan da para iti pannangan ken dagiti dadduma pay a wagas tapno maselebraran daytoy.
Inlawlawag na a naragsak iti kada Muslim iti daytoy a selebrasyon da ken maysa kadagiti anag iti panagfasting da ket ti sakripisyo da.
Mainaig iti daytoy, mangnamnama ni Ali a dagiti dagiti inaramid da a nasasayaat ket akseptaren ni Alla.
Kabayatanna, nagyaman met ni Ali iti lokal a gobierno ti ciudad ti Laoag, ti gobierno probinsyal ken iti Philippine National Police.
