LAOAG CITY – Kinumpirmaran ni Mr. Vic Ines, ti Provincial Agrarian Reform Program Officer II ti Department of Agrarian Reform Office a mangipaay ti pagopisinaan ti daga kadagiti indibidwal nga agturpos ti kurso nga agrikultura.
Kunana a mabalin nga agaplikar dagitoy nga indibidwal ken maiendorsar iti central office ti Department of Agrarian Reform.
Inlawlawagna a ditoy probinsya ket addan dagiti nagaplikar tapno agbalin a benepisyaryo kadaytoy ngem awan ti na-identify da a government owned land, rason nu apay nga amin nga aplikasyon ket ipatulodda iti central office ti ahensya.
Inpakaamona a tunggal aplikante ket mabalin a makaala ti tallo nga ektarya ti daga.
Innayonna a daytoy a wagas ket ar-aramiden ti opisina da tapno magutigot dagiti agtutubo nga mangala iti kurso nga agrikultura tapno makitada ti importansiya daytoy iti panangitandudo ti ekonomiya ken pagbiagan dagiti indibiwal.
Kabayatanna, inpalgak ni Ines a no adda dagiti mangayat nga agaplikar ket agturongda laeng iti opisina da ta ag-fill out da kadagiti dokumento ken itugotda laeng ti diploma a mangipaneknek nga isuda ket nagraduar iti nasao a kurso.
Innayonna a malaksid kadagiti nagturpos iti nasao a kurso ket mabalin pay a maipaayan ti tallo nga ektarya a daga dagiti retired millitar.
