LAOAG CITY – Nakumpiskar dagiti kameng ti Philippine National Police ti tallo nga improvised pyrotechnic device wenno “BOGA”, dua ti nakumpiskar manipod ditoy ciudad ti Laoag ken maysa iti ili ti Dingras.
Daytoy ti imbatad ni PMaj. Jephree Taccad panakangiwat iti Ilocos Norte Police Provincial Office.
Segun ken Taccad, dagitoy ti umuna a gundaway anakakumpiskar da ti klase ti paputok iti daytoy a tawen 2023 iti babaen dagiti otoridad.
Inlawlawagna a manarimaan ti panagpatrolya dagiti kameng ti polisya ditoy ciudad ti Laoag no sadinno nga adda ti concern citizen a nangipakaammo a mismo a dagiti menor-de-edad ti manarimaan ti panagpaputok da ti boga rason ti insigida a panagresponde da.
Bayat ti panagresponde da, kunana a naimatangan da iti akto dagiti menor-de-edad agpat-paputok ti improvised a boga.
Kabayatanan nagpalagip ni Taccad kadagiti nagannak a saan da nga ipalubos a dagiti annak da ket agusar ti aniaman a paputok pakairamanan ti boga tapno saan a maikabil ti risgo dagiti annak da.
