LAOAG CITY – Natiliw dagiti tallo nga indibidual gapu iti illegal a panagsusugal da iti Brgy. Sto Tomas iti ili ti Pinili.
Naamoan a dagiti natiliw ket agtawen ti 17, 28 ken 19, agpapada da a residente iti nadakamat a barangay.
Basar iti Philippine National Police, nakaawat da ti report nga adda dagiti agsusugal iti nadakamat a lugar rason a nagresponde da a dagus ken ditoy a naaktwan da dagiti suspek nga agay-ayam ti “Tong-its”.
Nakumpiskar dagiti otoridad iti lugar ti maysa a set ti baraha, tallo a tugaw, lamisaan ken ti 66 a pisos a pusta dagiti maseknan.
Iti agdama, maisagsaganan ti reklamo a panaglabsing iti Presidential Decree (PD) 1602 kontra kadagiti suspek.
Mainaig iti daytoy, kinumpirmaran ti Philippine National Police a ti maysa kadagiti suspek ket SK chairman iti nadakamat nga ili.
