LAOAG CITY – Manamnama ti pannaka-inquest dagiti tallo nga indibidual a natiliw gapo iti iligal a panagsusugal iti Barangay 47-Bengcag ditoy ciudad ti Laoag.
Nabigbig dagitoy nga isuda Leonardo Barientos, agtawen ti 71, Michael Tiboc, agtawen ti 38, ken ni Richard Barangay, agtawen ti 47, agpapada a construction worker ken residente iti nasao a barangay.
Segun iti PNP, adda ti report nga ada ti agsusugal rason a dagus da nga inyuswat ti operasyon ken naaktoan ti panagay-ayam dagitoy ti tong-its.
Gapo iti daytoy, nakumpiskar dagiti otoridad ti gambling paraphernalia kas iti baraha, tugaw, lamisaan ken pusta a 1077 a pisos.
Iti agdama, dagiti suspek ket adda iti kustudiyar ti PNP-Laoag ken sumango iti kaso a panaglabsing iti Illegal Gambling Law.
