LAOAG CITY – Tallo nga indibidual dagiti nadangran kalpasan ti panagdinnungpar ti dua a motorisklo iti paset ti Brgy. Peralta iti ili ti Dingras.
Nabigbig dagiti biktima nga isuda Javier Delos Santos, agtawen ti 27, construction worker, Oliver Aguidan, agtawen ti 42, construction worker ken agpada dagitoy a residente iti Brgy. Barong iti nasao nga ili dinto a ti maysa a nangiturong ti motorsiklo ket ni Michael Arse, agtawen ti 39, naasawan ken residente iti Brgy. Fos.
Segun ken ni PCapt. Joseph Calderon, agpadaa nga agpadpadaya a direskyon dagiti dua a motorisklo idi ta ginandat ni Aguidan nga ag-overtake kenni Arse.
Nu pay kasta, adda ti masabat na a truck isut gapu na a pinili na a maidungpar iti sarunuen na a motorsiklo rason nga agpada a naside-swipe dagitoy.
Gapu iti daytoy, natukkol ti akin kannawan a gurong ni Aguidan idinto a nagsagaba ti sugat iti ulo ni Arse ken gasgas laeng ti sinagaba ti lubbon ni Aguidan a ni Delos Santos.
Immuna a naitaray dagitoy iti Dingras District Hospital ngem dagus da a naiyakar iti MMMH&MC iti siudad ti Batac.
