LAOAG CITY – Tallo nga indibidual a naiyisoan ti citation ticket gapu iti panaglabsing da ti curfew hours iti ili ti Piddig.
Daytoy ti inbatad ni Police Lt. Rudy James Jacalne, ti Officer-In-Charge iti ili ti Piddig.
Segun kenkuana, dagiti tallo a natiliw ket manipod iti Barangay Capurictan iti ili ti Solsona, ken taga Barangay Gayamat ken Calambeg iti ili ti Piddig.
Kabayatanna, inpakaammo ni Jacalne nga uray temporaryo a masuspenso ti curfew hour iti pannakasarabo ti baro a tawen ket itultuloy da latta ti agsita tapno maipasigurado ti linak, urnus ken talna iti masakupan da a lugar.
