LAOAG CITY – Tallo nga indibidual dagiti natiliw iti naiyuswat nga anti illegal gambling operation iti maysa a pagtaengan iti Brgy. 1 iti ili ti San Nicolas.
Daytoy ti inpakaammo ni PLt. Ashley Cacayorin, ti deputy chief of police ti PNP iti nasao nga ili.
Inbatad na a namunangay ti pannakaiyuswat ti operasyon kalpasan a nakaawatda ti report seknani iti iligal a panagsusugal iti nasao a barangay.
Kuna na nga iti panagturong da iti lugar ket naaktuan ti panagay-ayam dagiti suspek ti iliga a sugal iti bakante a kwarto.
Inpakaammo na a nakumpiskar manipod kadagiti suspek ti 5,683.35 a pusta, lamisaan, maysa a set ti baraha, monobloc chair, belt bag, cellphone ken dadduma pay.
Nagtalinaed dagiti suspek iti kustodyar ti PNP bayat a maiyur-uray ti kaso a panaglabsing ti PD 1602 wenno Ilegal Gambling Law idinto a maimbestigaran ti agtagikua ti balay a nangipalubos iti iligal a panagsusugal.
