LAOAG CITY – Nagballaigi ti nagtitipon a pwersa ti Provincial Special Enforcement Team iti Ilocos Norte Police Provincial Office (INPPO) ken dagiti kameng ti Provincial Quarry Office a nangtiliw kadagiti tallo nga indibidual gapu iti illegal a panagquarry da iti Padsan river, bisinidad ti Barangay San Manuel iti ili ti Sarrat.
Malaksid ti pannakatiliw dagiti tallo nga indibidual ket naimpound pay iti Municipal Police Station iti ili ti Sarrat dagiti us-usaren da a dua a dump truck ken maysa a backhoe.
Gapu iti daytoy, naiyisoan ti citation ticket dagiti maseknan gapu iti panaglabsing da ti Provincial Quarry Ordinance 2020-042.
Mainaig iti daytoy, binigbig dagiti tallo a natiliw a ti operator wenno pagtrab-trabahoan da ket maysa a barangay chairman iti ili ti San Nicolas.
