LAOAG CITY – Natiliw dagiti tallo nga indibidual gapu iti illegal a panagsusugal da iti Barangay Bungro iti ili ti Pinili.
Daytoy ti kinumpirmaran ni Police Major Jephre Taccad, ti chief of police iti nasao nga ili.
Segun ken ni Taccad, kalpasan a nakaawat da ti impormasyon mainaig iti panagsusugal dagiti suspek ket dagus da a napan nagresponde iti lugar ket ditoy a naaktwan da dagitoy nga agay-ayam ti tong-its.
Nakumpiskar da pay iti lugar ti maysa a set ti baraha, maysa nga ules, kayo a lamisaan, dua a monoblock chair, maysa a kayo a tugaw ken ti 1,335 a maipagarop a taya dagiti suspek.
Iti agdama, nakakustodyar dagiti suspek iti PNP-Pinili ken maisagsaganan ti reklamo a maipila kontra kadagitoy.
