LAOAG CITY – Nasalamaan dagiti tallo nga indibidual iti border control iti ili ti Badoc gapu iti gandat a panagserrek ti frozen pork ken poultry products ditoy probinsya.
Nabigbig dagiti suspek nga isuda Jerome Resureccion y Valencia, agtawen ti 29, driver; Jomar Resureccion y Valencia, agtawen ti agtawen ti 27, helper kenni Bricks Resureccion y Valencia, agtawen ti 22, helper ken agpapada dagitoy a residente iti Brgy. Buboy,Nagcarlan, Laguna.
Segun ken ni PMaj. Joseph Tayaban, ti hepe ti PNP-Badoc, kumpleto ti dokumento a naipakita dagiti maseknan tapno makstrek ditoy probinsya.
Nu pay kasta, kuna na a bayat ti panaginspeksyonda ket naamoan a naggapo dagitoy iti Laguna ken nagkarga dagitoy iti pork ken poultry products.
Inlawlawag na a malaksid iti produkto ti karne ti baboy nga iserrek dagitoy ket manipod iti lugar a saan a maipalubos pay laeng a sumrek ditoy probinsya ti naggapoan dagiti nasao a produkto.
Naggapo da iti Laguna, lugar a maipawil pay laeng ti panagibiyahe ti karne ti baboy ken sumrek ditoy probinsya.
Inpakamamo ti hepe a naiturn-over iti provincial veterinary office ken dinadael a dagus dagiti otoridad idinto a saanen a napastrek pay ditoy probinsya dagiti maseknan.
