LAOAG CITY – Tallo nga indibidual ti pimmusay idinto a 15 a sabsabali dagiti nasugatan iti napasamak a pammagkong iti uneg ti Walmart supermarket iti Shanghai idiay China.
Naamoan a bigla lattan a dinarop ti maysa a lalaki dagiti tattao ken binagko-bagkong na dagitoy.
Basar kadagiti otoridad, natiliw da a dagus ti agtawen ti 37 a suspek a binigbig da laeng ti nagan na a Lin iti mismo a nakapasamakan ti krimen.
Iti inisyal nga imbestigasyon, inpetteng ti suspek a nagturong idiay Shanghai tapno ipeksa ti nakaro a pungtot na gapu iti personal economic dispute.
Gapu iti napasamak ket nagnayun ti supermarket ti security tapno masigurado a saanen a maulit ti napasamak.
