LAOAG CITY – Natiliw dagiti dua a lallaki ken maysa a babai gapu iti iligal a panagsugal iti Poblacion 3 iti ili ti Pasuquin.
Nabigbig dagitoy nga isuda Arturo Leynes retired Philippine Airforce, Elmer Baclagan, maysa a hog raiser ken residente iti Brgy. Naglicuan kenni Norma Aguda, collector ken residente metlaeng iti Poblacion 3.
Segun ken ni PLt. Roy Manuel Ordonio, dagiti natiliw ket agpapada nga adda iti umno a tawen.
Inbatad na a namunganay ti panagresponde dagiti otoridad kalpasan nga adda ti concerned citizen a nagreport seknan kadagiti agsusugal.
Kuna na a naaktwan dagiti otoridad nga agay-ayam ti tong-its dagiti maseknan iti uneg ti pagtaengan ti retired philippine airforce.
Inpakaamo na a nakumpiskar ti maysa a set ti baraha, bet money nga agadagup ti 1,960 a pisos.
Iti agdama ket nagtalinaed iti PNP Pasuquin dagiti suspek bayat a maisagsagana ti maipila a kaso a panaglabsing ti PD 1602 wenno illegal gambling law kontra kadakuada.
