LAOAG CITY – Kinumpirmaran ni P/S/Inps. Sheryl Guzman Hepe ti Pulisya ti ili a Burgos nga adda tallo a kameng ti pulisya ti nasao nga ili a na-disgrasya da ti bagbagi da idi rabii ti Sabado Enero 12.
Binigbig ni Guzman dagiti pulis a da SPO 1 Alipio, PO3 Briones ken PO2 Francia.
Segun ken ni Guzman, off dutyn dagiti tallo a pulis idi mapasamak ti pannakadisgrasya da iti paset ti highway bisinidad ti Bgy. Saoit iti nasao nga ili.
Kuna na a nakalugan dagitoy iti kotse a kukua ni Briones gapu ta nagawis gapu ta birthdawy ti asawa na ngem inturong ni Francia ti nasaop a lugan.
Inlawlawag na a maipagarup a nakasabat dagiti tallo ti lugan a naka-bright isu a napurar ni Fancia ket saan na nakontrol ti manibela ti kotse agingga a nadsigrasya da ken maipagaruop a nabartek dagitoy.
Nagsagaba ti “fractured” ti makinkannawan nga ima ni Briones isu a maag-agasan pay laeng iti hospital ngem saan a naan-ano da Francia ken Alipio.
Innayon ni Guzman a saanda a ipalubos ti kastoy nga aramid ket no mapaneknekan a nagbasol dagitoy ket ipilaan na dagitoy iti kaso administratibo.
