LAOAG CITY – Nasugsugatan dagiti tallo a tattao kalpasan a nagdinnungpar ti dua a motorsiklo iti Bacarra road iti paset ti Barangay 13 ditoy ciudad ti Laoag.
Nabigbig dagiti biktima a da John Patrick Bumanglag, agtawen ti 21, residente ti Brgy. Salet-Bulangon, driver ti maysa a motorsiklo; Jime Van Christian Agtang, agtawen ti 19, residente iti Brgy. 2 ditoy ciudad ti Laoag, driver ti maysa pay a motorsiklo ken ti lubbon na a ni Stewart John Taylan Angres, residente ti Brgy. 5 iti nadakamat a ciudad.
Basar ti imbestigasyon, agpabagatan a direksyon ni Bumanglag idi ta kellaat a nag-U turn ni Agtang a rason ti panagdinnungpar da.
Naitaray dagiti biktima iti Goc. Roque Ablan Senior Memorial Hospital gapo iti sugat a sinagaba da.
