LAOAG CITY – Natiliw dagiti tallo nga indibidual gapo iti iligal a panagsusugal da partikular ti Lucky 9 iti Barangay 33-B Lapaz ditoy ciudad ti Laoag.
Nabigbig dagiti natiliw nga isuda Allan Galapia, agtawen ti 51, trucking helper ken residente iti Barangay 33-B ditoy ciudad; Jayson Ruadap, agtawen ti 40, addaan ti live in partner, maysa a construction worker ken residente iti Barangay 33-A ken ni Julius Robiniol, agtawen ti 35, maysa a tricycle driver, tubo iti Nueva Viscaya ken agdama nga agnanaed iti Brgy. 33-B.
Binigbig met ti PNP-Laoag dagiti dua a nakalibas nga isuda Edwin Asuncion Jr. ken Dario Mariano a residente iti Barangay 32-C.
Nakumpiskar dagiti otoridad dagiti nagduduma a gambling paraphernalia kas iti baraha, lamisaan, tugaw ken ti pusa a 2,278 a pisos.
Iti agdama, manarimaanen ti panangisagana ti Philippine National Police dagiti kasapulan a dokumento para iti pannakaipila ti kaso a panaglabsing iti PD 1602 kontra kadagiti nagsusugal.
