LAOAG CITY – Kinumpirmaran ni Engr. Richard Ragasa, Assistant District Engr. iti DPWH 1st Engineering District ditoy probinsya ti nakaro a trapiko iti Tamukalaw Bridge iti paset iti ili a Bacarra.
Inlawlawag ni Ragasa a maysa laeng a lane ti nakalukat gapu ta manarimaan ti widening ti rangtay isut gapuna a saan a makapagsisinnabat dagiti lugan.
Inbatad na nga adda ti traffic lights iti lugar ngem saan a sursuruten dagiti motorista a pakaitundaan ti nairot a trapiko.
Gapu ti daytoy, inpasingked ni Ragasa a mangikabil to iti traffic enforcer a mangiwanwan ti trapiko, kangrunaan na iti rush hour iti bigat ken malem tapno maliklikan ti panagirot ti trapiko iti lugar.
Mainaig ti daytoy, kuna ni Ragasa a kasapulan ti disiplina dagiti agiturturong ti lugan tapno maliklikan ti trapiko iti lugar.
