LAOAG CITY – Maisayangkat iti umuna a gundaway ita a tawen ti Tan-ok ni Ilocano Pop Music Competition.
Segun ken ni Ilocos Norte Tourism Office Officer-In-Charge Xavier Ruiz, inlungalong daytoy ni Provincial Tourism Officer Aian Raquel a mamati daytoy nga ad-adda a maitandudo ti kultura dagiti Ilokano kas kadagiti nagduduma a paset ti pagilian.
Inbinglayna nga ehemplo dagiti kantada idiay Cebu iti Visayas a pagayat a dengdenggen kas iti Tan-ok ni Ilocano nangruna kadagiti ubbing.
Manamnama a maipabuya ken mangngeg dagiti maaramid a kankanta maseknan kadagiti umili ti probinsia.
Maipalagip nga inpakaammo ni Tourism Officer Ruiz nga aggiddan iti pannakaipaay ti pammadayaw kadagiti nangabak ti Tan-ok ni Ilocano Film Festival ken iti Tan-ok ni Ilocano Pop Music Competition.
Malaksid iti daytoy, maipaayan dagiti makipaset ti tropiyo ken sertipikasion idinto a dagiti nakastrek ti top 3 ket maipaayan ti cash price.
Kabayatanna, ti agbalin a pagbasaran para kadagiti mapagasatan ket 30% ti originality, 30% ti pakabuklan ti melody, phrasing, rhythm ken tempo, 20% iti creativity ken interpretation idinto a 15% iti over all song impact ken performance.
