LAOAG CITY – Inlawlawag ni Fr. Joey Ranjo, pannakangiwat ti Diocese of Laoag a ti century old a tanem iti Paoay Public Cemetery ket posible a naiyakar laeng.
Segun kenni Ranjo, idi agkakauna a panawen ket agabay dagiti kamposanto ken Simbaan.
Inbatad na a gapo iti panagbuteng dagiti tattao idi ket nangiyetnag ti pammilin ti Ari ti Espanya a masapol a maiyakar dagiti kamposanto iti agarop maysa wenno dua a kilometro manipud kadagiti simbaan.
Inbatad na a mabalin nga adda latta dagiti saan a naiyakar a tanem rason a no adda ti makali iti paset ti simbaan wenno iti lawlaw na ket adda latta dagiti tulong a makali.
Naamoan a ti nasao a tanem ket naaramid idi pay 1800.
Maipalagip nga itay kallabes ket naduktalan ti century old a tanem iti Paoay Public Cemetery.
