LAOAG CITY – Inpasigurado ni Mr. Domingo Garcia, market supervisor idiay ciudad ti Batac a naiget a maipawil nga agitugot dagiti amin nga aglaklako ti taraken da nga aso iti nasao a merkado publiko.
Segun kenni Garcia, plano na nga isubli ti maysa nga ordinansa a dagiti aso nga agwarang-warang ket mailiw ken maipupok.
Kunana a mabalin a maysa kadagiti rason a maitugtugot dagiti taraken nga aso iti tiendaan ket gapo ta awan ti mangpakan kadakuada iti agmalem.
Mainaig iti daytoy, inadmitir dagiti sumagmamano nga aglaklako nga itugtugot dagiti aso da tunggal mapan da aglako iti tiendaan.
Nupay kasta, inpetteng dagitoy a nadalos dagiti aso ken maiyaw-awid dagiti taraken no agawid dan.
Kabayatanna, immannugot dagiti maseknan nga ibati da ii pagtengan da dagiti taraken da nga aso.
