LAOAG CITY – Nagbalin a nabara ti panagsarita da US President Donald Trump ken Ukrainian President Volodymyr Zelensky.
Adda iti White House ti Ukrainian President tapno koma agpirma ti mineral deal iti US.
Karaman iti taripnong iti Oval Office ni US Vice President JD Vance no sadinno a binabalaw na ni Zelensky iti panagbalin na nga agresibo iti panagkiddaw a kanayun ti tulong.
Inpetteng na pay a saan man pulos a nagyaman ni Zelensky kadagiti inpaay a tulong ti US uray ti inkampanya na iti naglabas nga US Election ket ti kalaban ni Trump a ni dati nga US Vice President Kamala Harris.
Nagsinnukat met kadagiti sarita da Zelensky ken Trump no sadinno a pinabasol na pay ti Ukrainian President nga isuna ti mangpakpakaro ti gubat iti nagbaetan da iti Russia.
Gapu iti nagbalin a tensyon iti uneg ti Oval Office ket saanen a natuloy ti news conference ti dua a lider ken uray koma tin aka-schedule a panagpinnirma da ti mineral deal.
Maipalagip nga inakusaran ni Trump ni Zelensky nga isuna ti nangrugi a nangatake iti Russia.
