LAOAG CITY – Inlungalong ni Makati Representative Luis Campos Jr. a mabaliwan ti National Internal Revenue Code (NIRC) tapnu mainayon ti night differential pay iti exempted taxable income.
Ti night differential pay ket working fee manipud 10:00 alas-dies ti rabii agingga alas sais ti bigat a katukag ti 10% ti hourly pay ti empleado nga agdama nga addaan ti buis nangruna no umabot ti total salary iti agingga P250,000.
Segun ken ni Campos, karaman iti inlungalong a House Bill 10534 a panggepna a maiteda buo kadagiti empleado ti night shift differential pay-da tapnu sigurado a makatulong iti nangato a presio dagiti tagilako.
Kabayatanna, ti kangrunaan a maapektaran iti inlungalong ni Campos ket dagiti 1.7 million nga empleado iti Business Process Outsourcing (BPO) kasta met dagiti agtartrabaho kadagiti establisimiento a sisilukat iti 24 nga oras kas iti ospital, convinient store ken fast food chains.
