LAOAG CITY – Posible agbalin manen a “busy” dagiti taxi drivers idiay Big Island, Hawaii kalpasan nga inkeddeng ti Pride of America cruse Ship nga isubli da ti biyahe da.
Segun ken ni Bombo International Correspondent Manny Pascua, inton bigat ket agsubli ti ag-linawas a biyahe ti nasao a barko rason nga uray dagiti taxi driver ket agsubli metten dagiti biyahe da.
Kuna ni Pascua, maysa a taxi driver a tubo ti Marcos Ilocos Norte ti naragsakan gapu ta makapagbiyahe da met laengen kalpasan ti nasurok a makabulan a panagsardeng da.
Kuna na a kadagupan dagiti taxi drivers iti Big Island ket agarup 20 kadagitoy ket Ilokano a no sadinno a tunggal biyahe da ket makaneto da ti 200 a dolyar sabali laeng ti tip da ken dagitoy ti mapalubusan nga umasideg iti lugar a pakaipaspasayaran dagiti torista iti agal-alburoto a bulkan.
Ti Pride of America Cruse Ship ket adaan ti agarup 900 a crew ken makarga na ti agarup 2,500 a torista ken ti operasyon na ketaglayag kadagiti nadumaduma nga isla ti Hawaii.
