LAOAG CITY – Naruay a fans ti singer a ni Taylor Swift ti magagaran iti concert daytoy idiay Paris.
Nangrugin ti European leg ti Eras Tour iti uppat a petsa iti La Defense Arena idiay Paris.
Adda dagiti sumagmamano a fans nga aggapu pay iti sabali a pagilian ti dimmayo pay idiay Paris tapno mabuya ti idoloda.
Dumanon iti 42 a ribu a tattao ti agbuya ken ni Swift idiay Paris sakbay nga agturong daytoy idiay Sweden, Portugal, Spain, Britain, Ireland, the Netherlands, Switzerland, Italy, Germany, Poland ken Austria.
Magagaran dagiti fans gapu ta iti umuna a gundaway ket mangngegandan dagiti kanta manipod iti baro nga album a “The Tortured Poets Department ti idoloda.”
Nangrugi idi Marso 2023 ti Eras Tour iti North ken South America ken pakairamanan iti Asya.
Iti panagngudo ti tawen ket nakailakon ti nasurok $1bilyon a balor ti tickets ken dimmoble pay daytoy idi naisayangkat iti Vancouver idi Disiembre.
