LAOAG CITY – Maibilang ita kas kaubingan a Songwriters Hall of Fame ti singer a ni Taylor Swift.
Ti nasao a titulo ket immuna nga iggem ni Carole Bayer Sager idi daytoy ket agtawen ti 43 idi 1987 idinto a ni Stevie Wonder ket nagtalinaed a kaubingan a nakagun-od ti nasao nga award iti tawenna a 32 idi 1983.
Nakastrek dagiti artists iti Hall of Fame kalpasan ti 20 a tawen idi inaruarda ti umuna a commercial track.
Para ken ni Swift ket inruarna ti kanta a “Tim McGraw” idi Hunio 2006.
Umaboten iti 12 nga album ti naaramidna a naglikos manipud kadagiti nagduduma a genre kas ti country, pop ken folk.
Nakagun-od metten daytoy ti 14 a Grammy Awards idiay Estados Unidos pakairamanan ti uppat nga Album of the Year trophies.
Naammoan a karaman a naelektaran iti Hall of Fame da Gene Simmons ken Paul Stanley ti KISS.
