LAOAG CITY – Napadayawan kas kabaknangan a female musician ti Forbes ti American singer a ni Taylor Swift.
Basar iti Forbes, adda ti pakabuklan a baknangna a dumanon iti nasurok $1.6-B nga aggapu iti sold-out concert nga “Eras Tour.”
Malaksid iti daytoy, addaan daytoy ti $125 milyon iti real estate holdings.
Naartapanna iti padana a singer a ni Rihanna nga addaan ti $1.4 bilyon.
Naammoan a karaman pay iti listaan ni Beyonce nga addaan ti pakabuklan a baknang daytoy a mapattapatta a dumanon iti $760 milyon.
