LAOAG CITY – Naragsak nga inpakaammo ni Mrs. Lizette Atuan, mangidadaulo ti Provincial Public Employment Service Office a nangrugin ti technical training dagiti sumagmamano a benepisiario ti Job Start.
Kunana a dumalan dagiti nasao a benepisiario iti nasao a programa ti gobierno probinsial iti uneg ti dua agingga iti tallo a bulan.
Inbatadna a dagiti kangrunaan a benepisiario ket dagiti Out of School Youth ken dagiti nagturpos iti kolehio.
Innayonna a dimmalan dagitoy iti life skills training kas ti soft course training no sadinno a ditoy a naisuro kadakuada ti basic ethics iti panagserrek ti maysa a trabaho.
