LAOAG CITY – Naiyuswat iti Technology Demo on the Performance Evaluation of Commercial Foliar Fertilizer Technology in Rice Production Using 50% Provincially-Recommended Inorganic Fertilizer Rate ken Agricultural Extension Workers Immersion iti Barangay Cataban ditoy siudad ti Laoag.
Inbatad ni Engineer Shiela Opelac, ti mangidaulo ti City Agriculture Office a ti Agricultural Extension Workers ti Office of the City Agriculturist ket aktibo a nakipagraep kas maysa a napateg a paset ti hands-on field immersion ken technology demonstration.
Kunana nga iti babaen daytoy ket ad-adda a mapapigsa ti pannakaipaay dagiti praktikal ken science-based a teknolohiya kadagiti mannalon iti siudad.
Innayonna pay a daytoy ket nagtitinnulongan dagiti partner agencies a pakairamanan ti Aljay Agro Industrial Solutions, FertiGlobal, ken Syngenta Philippines a nangipakita ti suportada tapno papigsaen ti rice production iti babaen ti pannakaipaay dagiti kabaruanan a foliar fertilizer ken nutrient management technologies.
Kabayatanna, kunana nga agtultuloy latta ti panagbibinnulig ti lokal a gobierno, extension workers, mannalon, ken partner agencies para iti agtultuloy a pannakapapiga ti rice production iti babaen ti panangipaay kadagiti programa, pannakapabassit kadagiti gastos ti abono, ken ti agtultuloy a pannakasustenir daytoy.
