LAOAG CITY – Inbatad ni Mr. Gerald Calamaan iti Department of Information Communication and Technology ditoy ciudad ti Laoag a manarimaan iti pannakatarimaan ti Telecommunication connections kas iti Landline ken Internet.
Segun kenni Calamaan, saan da pay a natarimaan amin dagiti Fiber Optic Cables a napugpugsot.
Kuna na a daytoy ti mamagkokonektar iti connections iti landline ken internet tapnon maipasubli ti normal a kinapegges iti telecommunications.
Daytoy ti makagapu iti mapaspasaran a nakapsot nga internet connection ken saaan a mausar dagiti landline connections iti opisina ken pagtaengan.
Innayon na pay a karaman a nadadael dagiti Fiber Optic Cables a mamagkonektar iti Ilocos Norte, Ilocos Sur ken La Union isut gapuna a nabayag ti serbisio ti Internet ken Landline.
Nupay kasta, inpanamnama ni Calamaan nga adda dagiti babbaro a Fiber Optic Cables a sumangpe manipod idiay Macau a mangipaay iti koneksyon ditoy pagilian a Pilipinas inggana Los Angeles, California , USA.
