LAOAG CITY – Inbinsa-binsa ni Dr. Loida Valenzuela, Provincial Veterinarian ti rason no apay nga adda ti panagngina ti presyo ti itlog.
Segun kenni Valenzuela, maysa kadagiti rason ket ti molting period no sadinno natural a mapaspasamak kadagiti manok nga agparot dagiti dutdot na.
Kunana a no agpaot ti kastoy a mapasamak kadagiti manok ket posible met a nabayag a nakapsot ti produksyon ti itlog.
Maysa pay ket ti panagbaliw-baliw ti temperatura a makaapektar met laeng kadagiti manok.
Mainaig iti daytoy, kunana a ti broiler production ita ket adda pay laeng iti growing stage nangruna ket ado ti suplay ti manok iti holiday season rason a ti produksyon ita a bulan ken iti Pebrero ket nababa.
Nupay kasta, mangnamnama ni Valenzuela nga agsubli ti production cycle dagiti broilers.
Dinakamat na pay ti law of supply and demand seknan iti itlog gapo ta no kurang ti suplay ken nangato ti demand ket ngumato met ti presyo.
Karaman pay a nakaapektar iti nangina a presyo ket ti panagngato met ti presyo ti feeds a para kadagiti manok.
Kabayatanna, kunana nga iti nasurok 100 a layers ken 60-70 % production iti inaldaw ket nagbalin laengen a 20-25 % rason a dakkel ti gap a nagbabaan ti layers no sadinno dagitoy ket adda iti productive period.
