LAOAG CITY – Agdudua ni Senador Imee Marcos a ti panagsardeng pay laeng ti Senado ti impeachment trial ni Vice President Sara Duterte ket gapu iti 49th ASEAN Summit.
Atapen ni Sen. Marcos a mabalin a konektado iti Association of Southeast Asian Nations Summit ken iti manamnama a panagbisita ni United States President Donald Trump iti pagilian ti panagal-alisto iti panangusig.
Inbatad ni Sen. Imee a maysa daytoy a wagas tapno mapapintas ti imahe ti pagilian iti closing ceremony ti Association of Southeast Asian Nations.
Innayonna a para kenkuana ket posible a saan a kayat ti administrasion nga adda ti pagsasaritaan a saan a napintas isut gapuna a kellaat a nagsardeng ti trial ken makainana iti panangusig iti tallo a lawas.
