LAOAG CITY – Inbatad ti Department of Transportation (DOTr) a bumaba ti airport fees kas ti terminal ken landing fees mangrugi intono Abril 1 ita a tawen.
Segun iti ahensya, agingga iti P200 iti kada pasahero ti mabalin a mainot iti terminal fees, idinto nga agingga iti P5,000 ti mainot iti kada landing.
Maipalagip nga iti napalabas a lawas ket inpangato ti Civil Aeronautics Board ti fuel surcharge level manipod iti Level 4 naikabil iti Level 8 para iti Abril 1 agingga iti Abril 15.
Para kadagiti domestic a pasahero, kaipapanan ti fuel surcharges nga adda ti nagbaetan ti P253 ken P787, depende iti distansya, daytoy ket doble no ikompara iti dati a Level 4 surcharges nga adda iti nagbaetan ti P117 ken P342.
Para met kadagiti international a pasahero, iti babaen ti Level 8 bracket, mabalin nga agbayad ti nayun a fees nga adda iti nagbaetan ti P835 ken P6,209, depende iti distansya ti destinasyon, no sadinno a nasursurok ngem doble no ikompara iti dati a surcharges ng adda iti nagbaetan ti P386 ken P2868.
