LAOAG CITY – Posible a maiyalud-od pay ti termino ni Philippine National Police (PNP) Chief Rommel Marbil a naikeddeng nga agretiro inton Pebrero.
Inbatad ni Presidente Ferdinand Marcos Jr., mabalin nga agtalinaed iti puesto ni Marbil agingga a malpas ti eleksion inton Mayo 2025 gapu ta naiget ti argumento a posible a saan a masuktan ti mangidadaulo ti nailian a pulisia iti kangitingitan ti panawen ti kampania iti eleksion.
Gapu iti daytoy, manarimaan a maad-adal ti posibilidad nga inton malpasen ti eleksion a masuktan ni Marbil.
Naammoan a ni Marbil ket miembro ti Philippine Military Academy Sambisig Class of 1991 ket agretiro inton Pebrero 7 apaman a madanonna ti mandatory age retirement a 56.
