LAOAG CITY – Na-bash iti online ni Amelia Mary Louks nga addaan ti nagan online a Dr. Ally Louks.
Nabash isuna gapu iti thesis maipapan iti body odor wenno “putok.”
Iti post na idi November 28, 2024, inburay ni Amelia a nalpasen ken nabook-bind-en ti thesis – na ken insubmitir na daytoy idi bulan ti Hunyo.
Nag-post pay isuna ti ladawan a kebkeben na ti hard copy ti thesis na nga addaan ti titulo nga “Olfactory Ethics: The Politics of Smell in Modern and Contemporary Prose.” idinto a ti nagbalin a caption na iti post na ket “Thrilled to say I passed my viva with no corrections and am officially PhDone.”
Iti panagsukisok dagiti readers, naammuan da a ti kayat a sawen ti olfactory ket sense of smell rason no apay a naruay dagiti nagkomento ken nangbash kenkuana.
Iti agdama, mangisursuro ni Amelia iti Cambridge University.
