LAOAG CITY – Nagtalinaed a nakarikep ti tianggi a naglako kadagiti replica ti patadem iti sango ti Plaridel Elem School ditoy ciudad ti Laoag.
Basar iti Business Permi and Licensing Office (BPLO) ditoy ciudad ti Laoag, kanayun ti panangsarungkar da iti nasao a tianggi ngem saanen a naglukat agpapan ita.
Maipalagip a nagrikep ti nasao a pagtagilakoan kalpasan nga inreklamo ni Mr. Joel Remigio, Principal IV ti Plaridel Elem School ditoy ciudad ti Laoag ti nasao a tianggi nga adda iti sango ti nasao a pagadalan.
Daytoy ket kalpasan a naduktalan na nga aglaklako ti tianggi kadagiti ay-ayam a patadem.
Inlawlawag ni Remigio a naduktalan na daytoy kalpasan nga adda ti nakita da iti bag ti maysa nga adalan da no sadinno a nagibaga pay dagiti dadduma adda ti bagi dagiti kaklase da.
Innayon na nga adda payen ti maysa nga ubing a nangiyarmar ti ginatang na nga ay-ayam a patadem kadagiti pada na nga ubbing rason a kinamat da daytoy.
Immunan a pinadas ti Bombo Radyo Laoag nga alaen ti kabibiangan ti agtagikua ti nasao a tianggi ngem saan palos a nagpakita daytoy.
